Та зах зээлийн болон хэрэглэгчийн судалгаа хийдэг үү?

Та гар урлал хийдэг, онлайн худалдаа эрхэлдэг, эсвэл олон салбартай томоохон компани удирддаг, бүр бизнес тань санаа төдий байгаа аль нь ч бай, та хаана, юу бүтээж, хэнд ямар сэтгэгдэл төрүүлэх тань зах зээл болон хэрэглэгчийн судалгаанаас эхэлнэ.




Юу?

Та хэрэглэгчид ямар бүтээгдэхүүн, үйлчилгээ санал болгож байна? Бодитоор таны бүтээгдэхүүнийг эсвэл үйлчилгээг авахаас гадна хэрэглэгчид ямар сэтгэгдэл үлдэх ёстойг та тодорхойлоорой. Жишээ нь автомашин худалдан авч байгаа хүн зөвхөн тээврийн хэрэгсэл бус түүгээр аюулгүй, ая тухтай зорчих баталгаа, өөртөө итгэх итгэл, бахархал гээд маш олон сэтгэгдэл, бодит бус мэдрэмжийг худалдан авч байдаг. Хэрэглэгчид үлдэх сэтгэгдэл таны бүтээгдэхүүн, үйлчилгээний нэг хэсэг юм гэдгийг санаарай.


Хаана?

Энэ асуултанд та зах зээлийн тойм судалгаа хийж хариулна. Та ямар хууль журмын хүрээнд, ямар соёл, уламжлалын онцлогт тохируулан, ямар хэмжээ, багтаамжтай зах зээл дээр ажиллах гэж байгаагаа өөрийн мэдлэг, хэвлэмэл болон онлайн орчинд байх мэдээлэлд тулгуурлан хийх юм. Мөн танайхтай ижил бүтээгдэхүүн үйлчилгээг, сэтгэгдлийг өөр хаанаас авч болдгийг судлана. Жишээ нь хэрэв та үсчин бол ямар дүрэм журам баримтлах ёстой, үс засуулах талаар монголчуудын итгэл үнэмшил, таны үйлчилгээ үзүүлэх хүн амын тоо, мөн ойролцоо бусад үсчны газруудаа судлах юм. Та хэрэв хурдан шуурхай, замд ойр, ая тухтай мэдрэмж төрүүлэхээр зорьж байгаа бол яг ийм сэтгэгдэл төрүүлдэг үсчин таны өрсөлдөгч юм шүү.


Хэнд?

Таны эцсийн хэрэглэгч хэн бэ? Хэдэн хүн байна? Ямар онцлогтой хүмүүс вэ (нас, хүйс, орлого, боловсрол гэх мэт)? Ямар давтамжтай худалдан авалт хийдэг вэ? Танайхаар яагаад үйлчлүүлдэг вэ? Гэх мэт асуултанд хэрэглэгчийн судалгаа хариулдаг. Таны бүтээгдэхүүнийг хэн яагаад авдаг, эсвэл авах ёстойг сайн мэдсэнээр та бүтээгдэхүүн үйлчилгээгээ хөгжүүлэх, хэрэглэгчид төрүүлж буй сэтгэгдэлээ улам сайжруулах, тэднийг байнгын, үнэнч хэрэглэгч болгож чадах юм. Таны бүтээгдэхүүн үйлчилгээ хичнээн сайн байсан ч, та хэрэглэгчээ таниж, ойлгоогүй бол амжилтанд хүрэхгүй гэдгийг санаарай.


Зэх зээлийн судалгаагүй бизнес эрхлэх нь нүдээ аниад машин жолоодохтой адил юм.

Танд амжилт хүсье.



#marketanalysis #захзээлийнсудалгаа

355 views0 comments