Virtual Assistant буюу виртуал туслах гэж хэн бэ?

Updated: Apr 12, 2021


Virtual Assistant буюу виртуал туслах гэдэг ажил 2015 оноос интернэтийн хүртээмжийг даган хөгжиж эхэлсэн харьцангуй шинэлэг мэргэжил гэж хэлж болно. Хэн нэгэн хүнд үйлчилгээ үзүүлэхдээ заавал очиж уулзахгүй, онлайнаар харилцаж мэдээлэл солилцоод шаардлагатай ажил үйлчилгээг гүйцэтгэж өгдөг хүнийг л виртуал туслах гэж хэлээд байгаа юм. Энэ төрлийн ажил хийдэг хүмүүсийг нийтэд нь Дижитал нүүдэлчид гэж нэрлэх боломжтой. Учир нь тэд интернэттэй л бол хаанаас ч ажиллаж чаддаг. Олон Монгол залуучууд Дэлхийн хотуудаар аялангаа ажилладаг амьдралын хэв маягтай болсон.

Харин миний миний хувьд Дэлхийгээр аялах зорилгоор бус, жирэмсэн, нярай хүүхдээ асрах үедээ гэртээ зүгээр суухгүй зорилгоор л энэ ажлыг хийж эхэлсэн.

Яг над шиг олон эмэгтэйчүүд бас энэ ажлыг эрхэлж, хүүхдээ асрангаа гэрээсээ орлого олж эхэлж байна. Эрэгтэй голдуу программист хүмүүс гэрээсээ гадны компанид ажиллаж, доллараар цалинжиж байгаа тухай бид сонссоор мэдсээр ирсэн. Харин эмэгтэйчүүд бол хялбар гэж хэлж болох айхтар мэргэжил мэдлэг шаардахгүй механик ажлууд гэрээсээ хийж гадны зах зээл дээр ажиллах боломжтой нь виртуал туслахын төрөл.


Олон улсын зах зээл дээр Вьетнам, Тайланд, Малайзын эмэгтэйчүүд, сүүлийн үед станы улсын эмэгтэйчүүд хүчтэй ажиллаж байна. Тэд АНУ-д голдуу үйлчилгээ үзүүлж 1 цагийн 5-15$ , мэргэжлийн чиглэлдээ 20-35$ -ийн үнэлгээтэй ажилладаг


Манай агентлагийн хувьд 2020 оны 3-р сараас эхлэн онлайн орчинд ажиллах сургалт явуулж гишүүдээ бэлдсээр 2020.09.20-нд 100 шахам гишүүнтэйгээр албан ёсоор нээлтээ хийсэн. Бид юу хүсч, зорьж яваа тухай, яагаад энэ агентлагийг байгуулсан тухай, цахим уулзалт хийхдээ ярьсан бичлэгийг үзвэл та илүү дэлгэрэнгүй мэдээлэл авч чадна гэж бодож байна. Хэдийгээр энэ уулзалтаас хойш олон сар өнгөрч, хүсч зорьсон зүйл маань нэг нэгээрээ биелсээр байгаа ч гэсэн алсын хараа, үйл ажиллагааны төлөвлөгөө маань яг хэвээрээ байгаа шүү.


Уулзалтын бичлэг 1-р хэсэг


Уулзалтын бичлэг 2-р хэсэг

Хэрхэн виртуал туслах болох вэ?


Агентлагийн маань хувьд 2021 он бол олон улсын зах зээлд үйлчилгээгээ гаргах жил. Бид энэ онд 150 виртуал туслахтай болж дотоодын зах зээлдээ үйлчилгээ үзүүлж туршлагажаад, гадаадын зах зээлд тест байдлаар үйлчилгээ гаргахаар зорьж байгаа. Анхны валютын захиалгаа аваад амжсан гэж байгаа. Эхэлж байгаа энэ байгууллагын гэр бүлд нэгдье гэвэл доорх дарааллын дагуу чадваржих сургалтуудад хамрагдана.

  1. Агентлагийн чатаар холбогдон гишүүнээр ажиллах анкет бөглөнө.

  2. Виртуал нарийн бичгийн анхан болон дунд шатны сургалтанд хамрагдана. Уг сургалт нь онлайн орчинд ажиллах ерөнхий мэдлэг олгох бөгөөд бидний өдөрт тутамдаа ашигладаг программуудыг багаараа ашиглах тухай заадаг.

  3. Дунд шатны сургалтын 4 дэх хичээлийг үзсэнээр агентлагт видео анкет илгээх эрх үүсч, өөрийн тухай танилцуулсан бичлэг хийж илгээнэ.

  4. Багийн ахлахууд таны илгээсэн видео анкетыг үзээд мөн анхан шатны сургалтанд хамрагдах үедээ гүйцэтгэсэн хувийн болон багийн даалгаврыг гүйцэтгэлтэй харьцуулж өөрийн багтаа авах санал өгнө

  5. Хэрэв аль нэгэн ахлахын санал авч чадаагүй бол агентлагийн гишүүнээр тэнцээгүй гэсэн үг.

  6. Найман ахлахын хэн нэг нь таныг багтаа авахаар санал өгсөн бол тэнцсэн тухай хариу е-мэйлээр очно

  7. Хэд хэдэн ахлах танд санал өгсөн бол тэдгээр ахлахуудын танилцуулга танд илгээгдэх ба та тэдгээрээс багт нь орж ажиллах ахлахаа сонгоно

  8. Тэнцсэн гишүүдтэй ахлах нь холбогдон багийн харилцааны сувагтаа нэмж дотоод журам, үйл ажиллагааны дараалалтай танилцуулснаар та гэрээсээ ажиллаж эхэлнэ дээ.

Өөрийгөө гололгүй үнэхээр бидэнтэй нэгдэхээр зорьж зүтгэж чадсан хүн бүрт манай үүд хаалга нээлттэйн дээр анхны шалгаруулалтаар тэнцээгүй ч гэсэн өөрийн чадвараа тодорохой хэмжээнд сайжруулсаар дөрвөн удаа видео анкет илгээж тэнцсэн гишүүн ч байгаа шүү. Та хүсч зорьвол таныг зогсоох хэн ч байхгүй гэдгийг санаарай. Амжилт хүсье!

1,715 views1 comment