Та секси юу? Cекси маркетер

Та секси юу? Шинэ секси хувилбараа олох нь … 

Секси гэдэг ойлголтын талаар гадаад гоо үзэсгэлэн, дур булаам байдлын талаар ихэвчлэн ярьдаг ч сүүлийн үед ухаалаг тархи, оюуны чадамжийг онцлон "Ухаалаг байх нь шинэ секси" гэх үзэл  хурдацтай тархаж, оюуны хөгжил, боловсрол, мэдлэгийг шинэ түвшинд авчирч байна. Үүний жишээ нь шинэ секси буюу дур булаам хүнээр Илон Маск бизнесийн ухаан, шинэлэг сэтгэлгээгээрээ, Малала Юсафзай-эр зориг, мэргэн ухаанаараа дэлхийн хэмжээнд танигдсан. 

Энэ нийтлэлээр бид ухаалаг тархины үнэ цэнэ, түүний сонирхол татах хүч, нийгэмд үзүүлж буй эерэг нөлөөллийн талаар хүргэхийг зорилоо.

Ухаалаг тархины үнэ цэнэ- Боловсрол ба мэдлэг

Өнөөгийн нийгэмд боловсрол, мэдлэгийн үнэ цэнэ улам ихсэж байна. Залуу үеийнхэн өөрсдийн оюуны чадвараараа бахархах, боловсролоо үнэлүүлэх тал дээр илүү их анхаарал хандуулж байна. Тэдний хувьд ухаалаг байдал нь амжилтын түлхүүр төдийгүй бусдад хүндлэгдэх, сонирхол татах чадвар гол хүчин зүйл болж байна. Мэдлэгтэй, ойлгомжтой байх нь зөвхөн мэргэжлийн орчинд төдийгүй хувийн харилцаанд ч хүсүүштэй чанар болоод байна.

Шинжлэх ухаан, технологи

Шинжлэх ухаан, технологийн хөгжил нь тархины үнэ цэнийг нэмэгдүүлж байна. Эрдэм шинжилгээний нээлтүүд, инноваци, шинэ технологиудыг бүтээхэд оюуны чадамж, мэдлэгийн цар хүрээ чухал үүрэгтэй. Тиймээс шинжлэх ухааны салбарт амжилт гаргасан хүмүүс, технологийн стартапуудын үүсгэн байгуулагчид нь олон нийтийн дунд ихээхэн хүндлэгдэн, үнэлэгддэг болж байна.

Оюуны чадамжийн сонирхол татах хүч- Сэтгэл татам байдал

Ухаалаг байх нь сэтгэл татам байдал, өөртөө итгэлтэй байдлын нэгэн илэрхийлэл юм. Тэдний ярианы арга барил, асуудлыг шийдвэрлэх чадвар, логик сэтгэлгээ нь бусдыг өөртөө соронз мэт татаж чаддаг. Ухаалаг хүний хажууд байх нь өөрийгөө хөгжүүлэх, шинэ зүйлс суралцахад хөхүүлэн дэмжиж байдаг бөгөөд тэдний хажууд байх нь хүн бүрт таатай мэдрэмж төрүүлдэг байна. Р.Чойномын хэлсэн “Цэцнүүдийн дунд тэнэг явахад цэнгэл жаргал элбэг олдох юм. Тэнэгүүдийн дунд цэцэн явахад тэрнээс илүү зовлон алга даа” хэмээсэн үг ухаантнуудын дунд байхад хөгжөөд, суралцаад, ухаараад, учраа олоод, урамшаад, урагшлаад байхыг хэлээд байж.

Эерэг хандлага

Ухаалаг хүмүүсийн онцлог нь асуудлыг эерэгээр харах, шийдэл олох чадвар юм. Тэдний бүтээлч сэтгэлгээ, аливаад дасан зохицох чадвар нь бусдад итгэл төрүүлж, сэтгэл татам байдлыг нэмэгдүүлдэг. Эерэг хандлага нь харилцааг сайжруулж, амьдралыг илүү утга учиртай болгодог.

Сонирхолтой яриа: Хурц ухаан нь сонирхолтой, утга учиртай яриаг өрнүүлж, хүмүүсийн хооронд илүү гүнзгий холбоо үүсгэх боломжтой. Хүнтэй нийцтэй байх нь урт хугацааны харилцааны чухал тал юм.

Асуудал шийдвэрлэх чадвар: Энэ чанар нь амьдралын сорилтуудыг үр дүнтэй даван туулах чадвартайг харуулж байгаа тул үнэхээр сонирхолтой байх болно.

Өөртөө итгэлтэй байдал болон бие даасан байдал: Ухаантай хүмүүс ихэвчлэн өөртөө итгэлтэй, бие даасан байдаг нь олон хүнд дур булаам санагддаг.

Ухаалаг тархины нийгэмд үзүүлэх нөлөө- Боловсролын хөгжил

Ухаалаг хүмүүсийн үнэ цэнэ нэмэгдсэнээр боловсролын систем ч мөн сайжирч байна. Оюуны хөгжилд нь анхаарал хандуулах, хүүхдүүдийг ухаалаг байлгахын тулд эцэг эхчүүд, багш нар илүү их хүчин чармайлт гаргах хэрэгтэй болж байна. Боловсролын салбарын хөгжил нь иргэдийнхээ мэдлэгийн түвшинг дээшлүүлж, боловсорсон иргэд нь улс орныхоо ирээдүйн амжилтын үндэс болдог.

Ирээдүйн амжилт

Ухаалаг тархи бол зөвхөн хувийн амжилт төдийгүй нийгэм, эдийн засгийн хөгжилд чухал үүрэгтэй. Оюуны чадамж өндөртэй хүмүүс инноваци, технологийн дэвшлийг урагшлуулж, улс орны хөгжилд үнэтэй хувь нэмэр оруулж байдаг. Тиймээс ухаалаг тархи бол ирээдүйн амжилтын баталгаа юм.

Шинэ секси байдлаа хөгжүүлэх аргуудаас та нартайгаа хуваалцаж байна.

• Насан туршийн суралцахуй: Унших, судлах, шинэ хобби болон сонирхлоороо тасралтгүй суралцахыг зориорой. Нээлттэй, сониуч сэтгэлгээ бас л дур булаам чанар

• Яриа, хэлэлцүүлэгт оролцох: Таны сэтгэхүйг сорьж, нээлттэй ярилцах, өөр өөр үзэл бодолтой хүмүүсээс суралцах яриа хэлэлцүүлэгт оруулах нь оюун ухааныг тэлнэ.

• Сэтгэл хөдлөлөө таньж, хянаж, хөгжүүлэх: Өөрийн болон бусдын сэтгэл хөдлөлийг ойлгож, удирдах нь оюуны дур булаам байдлын гол бүрэлдэхүүн хэсэг юм.

• Бүтээлч байх: Бүтээлч ажил болон шинэлэг сэтгэлгээгээ хөгжүүлэх. Бүтээлч байдал нь ихэвчлэн оюуны амралт болж тархины үйл ажиллагааг дахин шинэчлэхэд тустай. 

Харин энэ удаад шинэ зууны шилдэг sexy маркетер болоход тань туслах цоо шинэ хөтөлбөрийг танилцуулж байна. 

Та дараах холбоосоор дэлгэрэнгүй мэдээлэл аваарай. 

https://momade-marketing-masterclass.bitrix24.site/?fbclid=IwZXh0bgNhZW0CMTAAAR1XQ46hG6_MA2JnnI-s4Q2xX5kYLidEgnAet-zPm79ls8EpQZ9ZKujoj0Y_aem_gxVZxRFHbBW8WCfNG2_OWw